Ka doktor, kaba tbit bha jong ka hospital ha Manhattan, ka la pyniap noh ialade, da kaba sdien phasi ha ka Sngi U Blei bad ka dei ruh, kaba la pynkoit ia bun bah ki nongpang kiba ioh jingpang coronavirus.
Ka Dr Lorna M Breen, ka dei ka medical director jong ka emergency department ha ka NewYork-Presbyterian Allen Hospital bad ka la iap ha Charlottesville, Virginia, ha kaba ka sah bad ka iing ka sem jongka, la iathuh u kpa jongka.
La iathuh da u kpa jong ka Breen, U Dr Philip C Breen, ba ha ka jingiakren bad u, katei ka doktor, ka batai shaphang ka jing itriem jong ka jingpang coronavirus, ha kaba ka la trei jubor ia ki nongpang ha katei ka hospital.
“Ka la pyrshang tyngeh ban pyndep hok ia la ka jong ka kam, hynrei ka kam, ka la shim noh ia ka jingim jongka” ong U Dr Philip C Breen.
U Philip Breen, u iathuh ba ka khun jongu, ka la ioh ia ka jingpang coronavirus, hynrei, ka la leit biang sha la ka jong ka kam, hadien ba ka shong shuti tang shi taiew tam. Ka hospital, kam pat ailad ba kan leit trei bad ki la phah biang ia ka sha iing bad kumta la ialam noh, da kiba ha iing jongka sha Charlottesville.
Ka Lorna Breen, 49, kam don kano kano ka jingthut jong ka met jongka, ong u kpa jongka, hynrei ha ka por ba ki iakren khadduh, u sngewthuh ba ka don ka jing kulmar jingmut bad ka iathuh ia u, shaphang ka jing iap naphang jong ki briew ha ka hospital ba ka trei, wat ha ka por ba ki dang shu hiar na ki ambulance.
lano kein ngin ioh iaka to ka pisa 1000tyngka ngi nongbylla te la iap thngan shisha ngi shu ioh makna tang u khaw u dai ruh ngin shet kumno kein khlem umphniang haba Tang ban thied barit baria ruh ngim don pisa kum mangi u nong bylla sngi.