Buh kyndon ka sorkar ia kiba poi sha Bethany hospital

Shillong:Ka sorkar Meghalaya myn hynnin ka miet kala buh ki kyndon ia ki paidbah ba poi shapoh ka Bethany hospital Shillong bad Nongpoh hadien lane haka 25 tarik bad 30 tarik u lber 2020.

Ka sorkar ka la bthah ruh ia baroh ki paidbah kiba poi shapoh Bethany hospital hadien ne ha ka 6 tarik iaiong 2020 ba kin dei ban ‘Quarantine’ hala ki ing haduh 4 tatik jymmang 2020.

Baroh ki paidbah kiba poi hapoh ka hospital Bethany hadien ne ha ka 6 tarik iaiong 2020 kiba la dep ruh ia ka ‘Quarantine’ kidei ban phong jing iada syntur lane ki’mask’, sait bha ia ki kti bad kidei ban kiar shwa na kiwei pat lada don ha ing ne ha ki jing trei.
Nalor kine, lada don kiba don ki dak ki shin ka jing pang’corona virus’ kidei ban phone ha u nomber 108 lane kidei ban leit phah eksamin haki jaka ai jing sumar.