Shillong: U myntri rangbah ka jylla Meghalaya u Conrad K Sangma mynta ka sngi u la ong ba ka sorkar kan sangeh shwa ban pyndonkam ia ki tiar ‘Rapid Test Kit’ naka bynta ban eksamin ka jing pang ‘corona virus’.
U Conrad K Sangma u la iathuh ba ka sorkar Meghalaya ka shim ia kane ka rai hadien ba la bthah da ka ‘ICMR’ kaba la ong ba ki tiar ‘Rapid Test Kit’ ki don jingthut.
Haba jubab halor ka jing kynnoh ba don ki hospital ki phah thiah lang ha ka juh kamra ia ki ba pang ‘corona virus’, u myntri rangbah ka jylla u la ong ba ki hospital ki buh tang 2 ngut ha ka juh kamra kumba lah bthah da ka sorkar bad kane kadei ka kyndon ba ia bud ha baroh kawei ka pyrthei.
U myntri rangbah ka jylla u la ong ruh ba mynta ja sngi kumba 1046 ngut la phah ban eksamin bad 904 ngut ki dei ‘negative’ bad sa 130 ka kaiphod kam pat mih.
Phi don ban ong eiei?