Shillong: Ka sorkar Meghalaya mynta ka sngi ka la bthah ia ka Meghalaya Board of School Education (MBOSE) ban pynlong biang ia ki eksamin na dang sah naduh 20 tarik jymmang 2020 bad dei ban pyndep tang hapoh 4 sngi.
U principal Secretary jong ka MBOSE u bah D. P. Wahlang ha ka miet 21 tarik u la thoh sha ka Executive Chairman ka MBOSE M.H.K Marak, na ka bynta ban wad lad lynti kumno ban sdang biang ia ki eksamin na dang sah jong ka MBOSE.
U Bah D.P Wahlang u la iathuh ba ki la bun, kiba ai jing mut ba ia ki eksamin ba dang sah yn pynlong biang naduh ka 20 tarik jymmang bad dei ban pyndep tang hapoh 4 sngi. U bah D.P Wahlang u la iathuh ba ia ki ‘korphiw pass’ naduh ki ‘inter district’ na ka bynta ki nong pyniaid ki eksamin, yn pynbiang hi daka that pule ka jylla.
U bah D.P Wahlang u la ong ruh ba ka la don ruh ka jing iakren ha ka jing ialang kumno ban wanrah noh ki ‘answer script’ jong ki khynnah skul na Tura sha Shillong na ka bynta ban eksamin ia ki ban lait ka leit shaduh Tura.
Haba dei bad ki ‘syllabus’ ka sorkar Meghalaya ka la bthah ia ka MBOSE ban ia treilang bad ka tnat Directorate of EEducational Research & Training (DERT) naka bynta ban wad ki lad lynti ban pyndep ia ki ‘syllabus’ na ka bynta ki khynnah skul.
Phi don ban ong eiei?