Kyntu U MR pynshitom ia kiba pynkiew dor

Shillong:U myntri rangbah ka jylla u Conrad K Sangma myn hynnin ka sngi u la kyntu ia baroh ki DC jong ka jylla Meghalaya baroh kawei ban pynshi tom ia ki dukan ne ki trai dukan kiba pynkiew dor ia ki marbam.

“Ka sorkar ka lah btah ia baroh ki DC ban shimkhia bha haba dei bad ki marbam bad ngi aiti ia ki DC ban pynshitom ia ki donkti ban pynkiew dor ia ki marbam” la bynrap u Conrad K Sangma.

U myntri rangbah u la kyntu ruh ia ki paidbah ban pyntip sha ki bor sorkar lada don ki dukan bad ki trai dukan kiba pynkiew ia ki marbam.
Haba dei bad ka jing iarap Pisa sha ki samla ka jylla kiba sahkut ha kiwei pat ki jylla ka ri India, u myntri rangbah u la ong ba ka sorkar kala pynkhreh ban ai jing iarap sha kumba 2,995 ki samla ka jylla. U Conrad K Sangma u la iathuh ruh ba ka sorkar kala pynlait ia ki ‘Bill’ jong ka MGNREGS haduh jong u bnai lber 2020.

U Myntri Rangbah ka jylla u Conrad K Sangma myn hynnin ka sngi u la bthah ia baroh ki dukan ba ki dei ban wah ia ki dor jong ki mar hakhmat ki dukan jong ki,kane ka long hadien ka jingud ki paidbah ia ka jingkiew dor ki marbam ha ka District.

Na ka liang u Myntri Rangbah u la iathuh ruh ba u la dep ban bthah ia baroh ki Deputy Commissioner ban leh ia kaba don kam lada lap ba don ba pynkiew dor.
U la kyntu ruh ia ki paidbah nongshong shnong ba lada don kano kano ka jingpynkiew dor palat ba kin sngewbha ban pyntip sha ki Deputy Commissioner ba kin leh ia kaba don kam ban pynthikna ba kan ym don ka jingpynkiew dor palat pud.
U myntri Rangbah ka jylla u Conrad K Sangma u la iathuh ba haduh mynta ka sngi 933 ki sample ladep ban test bad 821 tylli ki dei ki bym don ia ka jingpang Covid-19 (negative) bad 100 tylli ki sample dang ap ia ki result ba phah test.
U la iathuh ruh ba ka jingdon jong ki nongpang ka la kiew sha ki 12 ngut kynthup ia u ba la khlad noh na kane ka jingpang Covid-19 bad baroh 11 ngut ki la kham khlain. U la iathuh ruh ba baroh ki ba la ioh ia kane ka jingpang ki dei kiba haing bad ki paralok ba iajan bad u ba la ioh nyngkong ia ka jingpang Covid-19. U Myntri rangbah u la iathuh ba ka jingtest ia ki bahaing jong ki 11 ngut ki ba la ngat ia u khniang jingpang Covid-19 ladep ban test ia ki lyngba ka Rapid anti body test haka ba baroh naki bahaing jong ki kim shem la don ia u khniang jingpang Covid-19.
U myntri rangbah u iathuh ruh ba ka jylla kala ioh ban pdiang ia ki 7500 tylli ki rapid test kit bad ki la sdang ruh ban pyndonkam ia ki.