Scholar Lawriniang (Nongthliew WKH)
Ka jingpynap maw ha ki surok bah watla ka dei ka Lockdown ka long kaba bakla shibun bad kaba ym iahap satia, ia kane nga la lap bad sakhi shai da la ki khmat ha surok bah (Byepass) hajan shnong Umsohiong East khasi Hills katba nga dang leit sha shillong ban thied marbam ia ki paidbah nongshongshnong ha ka 20 tarik kaba dei ruh ka sngi ba ka sorkar ka pyllait ia ki iew bad ki dukan marbam mardih ha ka por 11 baje mynstep.
Kane ka rukom leh ka dei ka jingshim kabu da ki briew bym lah satia ban tip lane ithuh bad kam dei satia kaba la buh da ki bor shnong ia kine ki maw namar ha kane ka por ym shym la don u wei ruh u briew lane ki volunteer shnong kiba ap pahara ha kane ka jaka namar ba kane ka jaka ruh kam dei ha pdeng shnong, Kumta nga pynrem jur ia kane ka rukom leh ki riew shim kabu da kaba pynap maw ha ki surok bah haduh ba ym lait shuh ban iaid ki kali, Kane ka rukom leh kan wanrah ruh ka jingma jingmynsaw ia ki paidbah nongleit nongwan khamtam ha ka miet ka iong. Bad ka ktah ruh khamtam eh ha ka pang ka shitom kaba kham kyrkieh ba ki briew ki dei ban poi kloi kloi sha ki jaka sumar ban ioh jingsumar.
Kumta nga kyrpad bad kyntu ia ki nongialam shnong ba pher ba pher ba kin peitngor bha bad kim dei ban ailad ia kum kine ki riewshim kabu ki bymdon jingiatiplem shuh bad ki ba thmu ban pynjah burom ia ka shnong ka thaw bad lada lap dei ban pynshitom tyngeh ia ki. Hoiod ha kane ka lockdown mynta ngi lah ban khang ia ki surok shnong lane surok dong ban ym shah shuh ia ki kali nabar ban wan rung shapoh shnong khlem da ioh jingbit shuwa na ki nongialam shnong. Kane ka long na ka bynta ban teh la kam ia ka jingsaphriang kane ka jingpang khlam Covid 19, hynrei ka long pat kaba bakla shibun ban khang noh da ki maw wat ia ka surok bah ba dei ban iaid ki paidbah ha kano kano ka por bymlah ban tip lypa kum ha ka jingjia ryngkhat lane accident bad kiwei kiwei.
Kumta nga buh ruh ka jingkyrpad ia ka sorkar ba kan maham bad pynshitom da kaba tyngeh lada lap ia kum kine ki jingleh, kiba ktah ia ka leit ka wan ki paidbah khamtam eh ha ka pang ka shitom ha ka miet ka iong.
Ban khang ia ki surok, ka pyni iaka jingbieit tasam, dang lyngkot jingmut jingpyrkhat, hato ialade ki la biang lut nadong sha dong, na duh u khaw u jhur, ka dawai dashin ne ki nang ap nabar, hooid ngi don kam ba pikir ialade hynrei to tip kiwei ruh ki mih da ka jingbom banse