Kum U Kristan, ngam ju lamler: Faleiro

Shillong,5 Nailur:
Hapdeng ka jingia kynad kaba jur hapoh ka seng Congress, kaba la don ruh ka jingiadawa ban pynkylla nongialam noh ha ka sorkar jylla, ka la mih ruh ka jingsuba kaba jur ia u rangbah nongia lam ka Congress uba dei peit ia kane ka jylla, U Luinzinho Faleiro, ba u dei uba noh shiliang. Ia katei ka jingsuba la pynpaw da u Salseng C Marak, uba dei ruh u myntri rangbah barim ka jylla ha ki katto katne ki lad pathai khubor kiba u la pynpaw ba um don jingshaniah ia u Luizinho Faleiro , General Secretary ka Congress ba dei peit ia kane ka jylla, namar ba la suba ba ka tarajur jong u ka noh shiliang.
Haba ki nongthohkhubor ki la kylli ia kane markhmat na u Luizinho Faleiro u la jubab “Kum u kristan uba ju ioh jinghikai naduh ki sngi ki jinglong khyllung khynnah jong u, um don kaba kum katei ka jingmut kumba la suba. “Kum u kristan nga la ioh jinghikai naduh ba nga dang rit bay m bit ban thok ban lamler, ngam long kumba la suba” u la ong. U Faleiro u dei kristan uba dei na ka balang Katholik.