Mynta ka miet, yn pyn kynriah noh ia ki ba dang sahkut hapoh Bethany Hospital

Shillong: U myntri rangbah ka jylla Meghalaya u Conrad K Sangma mynta ka miet u la ong ba ka sorkar ka la shim ia ka rai ban pynkynriah noh ia baroh ki briew ba sahkut hapoh ka Bethany hospital kiba lait na ka jing pang ‘corona virus’.

U Conrad K Sangma u la iathuh ruh ba nalor kiba ba thiah pang hapoh ka hospital, kala don ruh ka jing eksamin ia ki doktor bad ki nurse, hynrei la lap ba ki biang lut ia ka met ka phad katba sa 3 tylli ki kaiphod kim pat wan.

Haba dei bad kiba thiah pang kiba lait na ka jing pang ‘corona virus’, u myntri rangbah u la ong ba kin don kiba yn phah leit noh sha ing, katba bun na ki kin hap sah sha ki jaka sah kyrpang (quarantine centre).

U myntri rangbah ka jylla u la ong ruh ba kumba14 ngut ki doctor bad ki nongtrei ka Bethany hospital kin don hapoh ka hospital ha kine ki sngi ba pakhang shnong lane ka ‘lock down’ ha baroh ka ri India.