Dang ap sa 67 tylli ki kaiphod ban lap halor ka coronavirus, ong U MR

Shillong: U myntri rangbah ka jylla u Conrad K Sangma mynta ka sngi u la ong ba ka sorkar ka dang ap sa ia 67 tylli ki kaiphod ban lap halor ka jing pang’corona virus’. U myntri rangbah u la iathuh ruh ba kumba 617 ngut la dep phah eksamin bad kumba 541 ngut ki long ‘negative’.

Nalor kane u Conrad K Sangma u la iathuh ruh ba 8 ngut ki la ngat ‘corona virus’ naduh ba la ngat u Dr. Sailo Ryntathiang u ba la khlad noh.
Nalor kine u myntri rangbah u la iathuh ba haduh 24,382 ngut ki briew hapoh ka jylla kila dep phah ‘screened’ bad kumba 49,391 ngut ki la phone ha ki nomber ‘helpline’ balap pynkhreh da ka sorkar bad haduh 2557 ki briew kila don ha ki jaka sah kyrpang (quarantine).
U Conrad K Sangma u la iathuh ruh ba naduh ba ngat jing pang ‘corona virus’ u Dr. Sailo kila don kumba 140 ngut kiba la ioh ban lum kyrteng kiba lah ban ia kynduh ia u Dr. Sailo (Primary contact) bad 4775 ngut kidei ki (secondary contact).
Haba dei bad ki tiar iada na ka jing pang’corona virus’, u myntri rangbah ka jylla u la iathuh ba ka jylla Ka don kumba 30,000 ki jing iada lane ki PPEs bad mynta ka meit ka jylla kan ioh sa kumba 20,000 tylli ki PPEs bad baroh kin poi haduh 50,000 tylli. U la iathuh ruh ka sorkar kala mang sa 4000 tylli ki tiar ban leh eksamin lane ki ‘rapid test kits’ na ka bynta ban pyn sted ka Jing leh eksamin.
U myntri rangbah u la ong ruh ba ka sorkar kala mang kyrpang sa 25 tylli ki Kali kit nongpang na ka skim CMRF kaba ka sorkar ka la ioh lum haduh 5.50 klur tyngka ban iakhun ia ka jing pang’corona virus’ hapoh ka jylla.
Haba dei bad ki dukan marbam u Conrad K Sangma u la iathuh ba kin plie ha ka por 9 baje mynstep haduh 4 baje janmiet ha ka sngi Monday, Tuesday, Wednesday bad Thursday ban ailad ia ki paidbah ban ioh thied marbam katba ki dukan dielang kin plie ha ka sngi friday, Saturday bad Sunday.
Mynta ka sngi u myntri rangbah ka jylla u Conrad K Sangma lem bad u symbud myntri rangbah u bah Prestone Tynsong kila leit ban jurip ia ka Civil hospital Shillong kaba dei ruh kawei na ki hospital ha nongbah Shillong kaba sumar ia kiba pang ‘corona virus’.