Hadien ki thain Ri Bhoi bad ki thain Nartiang lynshop u phria sa ha ki thain Laitlyngkot

Shilong: Mynta ka sngi u slap bad ka lyer ba jur ki la ther ha kylleng ki bynta jong kane ka jylla.

Hadien ka jinglynshop jong u slap bad u phria ha ki thain RiBhoi District ha ka 8 tarik u Iaiong 2020 bad ha ki thain Nartiang haka 11 tarik u Iaiong 2020 mynta ka sngi u slap bad u phria ba jur u la lynshop sa ha ki thain Laitlyngkot.

Kane ka jinglynshop jong u phria ha ki ne ki thain ka la wanrah ia ka jingduhnong kaba khraw ia ki nongrep kiba don ha katei ka thain, namar lyngba katei ka jinghap Phria, ka la pynjulor lut ia ki jingthung jingtep jong ki nongrep jong kitei ki thain.

Ka jinglynshop u phria ha kine ki thain ka wanrah ia ka jingdiaw Mynsiem ia ki nongrep khamtam ha kum kine ki por ba ka jylla ka mad ia ki jingeh haka ba iadei bad ka jingpang Covid-19.