Ki doktor ka Spain, ki la sdang ban lap ksai ba haba ki don ki briew, kiba don ia ka jing saw snam ki shympriah kjat, ka lah ban long ba u briew, u don ia ka dak jong ka jingpang coronavirus.
Kito ki briew kiba don ia ki dak saw ha ki kjat la kumba mih niang byrsit, ki la ju dei kiba don ia ka jingpang corona, ong ka khubor jong ka Mail Online bad la iathuh ba ki don bun ki briew, kiba ioh ia katei ka jingpang ha Spain, Italy bad ha France ba ki don ia katei ka dak saw snam ha ki kjat.
La iathuh ba kawei na kitei ki jingshisha, ka long ia uwei u khynnah uba 13 snem ka rta, uba na Italy, uba don ia katei ka dak saw ha ki kjat, la kumba shah dait bad hadien kata, u sa ioh ia katei ka jingjia bad la iathuh ba kiba kham paw dak bha, ki dei ki khynnah lane ki samla.
La iathuh ba kiba bun na kito kiba ioh pang coronavirus, ki don ka jingktha khlieh, ka jingkieng khlieh bad khie tlot, ong ka jingwad bniah ha China.
Phi don ban ong eiei?