Yn bteng ka jing khang shnong, haduh ka 3tarik Jymmang

U Narendra Modi, myntri rangbah duh ka Ri, ula pynbna mynta ka sngi, ba ka pakhang shnong, kan dang bteng haduh ka 3tarik Jymmang 2020.

Katei ka long ha ka jingkren jongu sha u paidlang ka Ri, lyngba ki prokram telebishon bapher, kaba la sdang ha ka por 10 baje mynstep.

U Modi, u ong ba ha kane ka pakhang shnong, yn pyrkhing bha, haduh ka 20tarik Iaiong 2020 bad baroh ki bynta jong ka Ri, kin iaid beit katba kum ki ing pynkhreh jong ka sorkar India. Hadien kata, yn sa nang pyn jynsur ia kito ki jaka kiba pyn treikam bha ia ka pakhang shnong, lane kiba nang duna kiba ioh ia katei ka jingpang iabit. La iathuh ruh ba ia ki jingtih ba bniah, yn sa pynmih lashai ka sngi, halor ka jing iadei bad ki kyndon jong ka pakhang shnong.