Nongpoh:Ha ka jingialang hapdeng ki Nongmih khmat ka Ri Bhoi ha ryngkat ki nongialam shnong ka Mawrong Road, kaba ki la pynlong hynnin ka sngi ha shnong Rtiang, la mih ka sur jingdawa kaba tyngeh na ka bynta ban thwet jur ia ki runar, kiba la donkti ha katei ka kam bymman bad kiba la ber ia ki dawai bih ban pyniap ia ki dohkha ha ka Wah Umran ha Ri Bhoi.
Ha katei ka jing ialang kaba la donlang da ki Nongmihkhmat na Nongpoh, kaba kynthup ia u Bah Mayrald Born Syiem, MLA, u Bah Balajied Ranee, MDC, ka Nongpoh, nangta u Bah Charles Marngar, MDC na Mawhati, u Bah B. B Makdoh, President ka synjuk ki 14 Shnong, u Bah PS Marwein, CI ka Nongpoh Police Station lem bad kiwei de ki riew rangbah jong katei ka thain, ki la pynrem jur halor katei ka kam kaba la leh da ki riew shimkabu bad kiba la leit ban ber bih ia katei ka wah, namar ym tang ba ka la pyniap ia ki Dohkha ha katei ka wah, hynei ba ka la pynma ruh ia ki nongpyndonkam um ka thian Nongpoh, namar katei ka Wah ka dei ka jaka kaba la tann um sha Nongpoh ba ki paidbah ka thain Nongpoh, ki la pyndonkam ia katei ka Um ha kaba bam ba dih.
Lyngba katei ka jingialang, ka la don ka jingiatai kaba jur halor katei ka jingber dawai ia katei ka wah, namar katei ka jingber bih ia katei ka wah, ka la ktah ym tang halor ka jingiap ki dohkha ha katei ka wah, hynrei kaba kham ma eh ia ki paidbah ka thain nongpoh, namar na katei ka wah la sam umbam sha kiba bun ki shnong ka sor Nongpoh.
Ka la don ruh ka jingiakut ba dei ban thwet ban kem ia kitei ki runar bad ruh ban pynshitom da kaba tyngeh pyrshah ia kitei ki runar kiba la leit ban pyniap dusmon ia ki dohkha ha kateika wah Umran.
Lyngba katei ka jingialang, la shim ruh ia ka rai ban ujor ejahar pyrshah ia ki riew dusmon kiba la nud ban leh ia katei ka kam ban pyniap ia ki dohkha ha katei ka Wah bad ruh ban pynlong bih ia katei ka Wah, kaba dei ka jaka kaba ki paidbah ka thain Nongpoh, ki la pynlong ia katei ka Wah kum ka tyllong ban tan umbam umdih,
Nalorkata, ka la don ruh ka jingiakut hapdeng ki Nongialam shnong bad Nongmihkhmat, ba nangne shakhmat kin ai ka jingiatreilang, na ka bynta ban tehlakam ia ki runar kiba mlien ban pyniap bein ia ki dohum dohwah bad nangne shakhmat lada lap kin sa ioh da ka jingpynshitom kiba katkum ki kyndon Ain
Balei kumne mo imat kita ki briew kim pat ia ting mo iu Corona ki dang ia shna pnban da u Virus ba phylla.Shish phi haba ka Ri ka dang iaksaid bad u Corona kita pat sa ka hiar thma ia ki dohkha,ne tip ki don daw aiu iala ka Mei-Mariang.
Balei kumne mo imat kita ki briew kim pat ia ting mo iu Corona ki dang ia shna pnban da u Virus ba phylla.Shish phi haba ka Ri ka dang iaksaid bad u Corona kita pat ia muja ka hiar thma sa ia ki dohkha,ne tip ki don daw aiu iala ka Mei-Mariang.To bapli kaba bym jingim ih ki mat leh katba mon.