Shillong: U Bah Hering Shangpliang u coach ba pawnam na kane ka jylla, ula paw kyrteng ha ka thup ba 11 ngut ki coach na ka ri kiba la ioh ia ka AFC license kynthup u Thangboi Singto bad Santosh Kashyap ki coach barim jong ki klob I-League na ka jylla, u Derrick Periera, Khalid Jamil, V Soundararajan, Henry Stanly Rozario, Mariano Dias, Syed Sabir Pasha, Naushad Moosa bad Savio Medeira.
Ki don ki coach kiba la shimti shipor ban pyniaid ia ki katto katne ki klob, hynrei ka AFC Pro license ka long kaba donkam ia ki coach ne ki manager na bynta ban shimti kum ki coach jong ki klob ialehkai Indian Super League (ISL) na bynta ka samoi ban wan.
U bah Hering Shangphliang u long u coach banyngkong eh ban ioh ia ka kyrdan AFC Pro license na kane ka jylla. U la sdang ia ka kam kum u coach na ka Shillong Lajong ha u snem 2006, bad hadien u la shimti kum u technical director jong kane ka klob.
U bah Hering ha u snem 2014, u la shimti ha ka jaka u Santosh Kashyap kum u manager jong ka Rangdajied United FC ha ka sien nyngkong ka lympung I-league hynrei ula ioh ban pyniaid tang phra tylli ki jingialehkai ba dang sah jong ka aiom ialehkai.
Ha u snem 2017, u la shimti kum u coach jong ka Langsning Football Club kaba don jingthmu ban iashim bynta ha ka Second Division I- League bad haduh mynta u dang bat kum u coach ka Langsning FC.
U Thangboi Singto u coach barim ka Shillong Lajong FC ba la paw bha ha ka jylla u la lah ban pyndep ia ka AFC Pro license ha u snem 2014.
Hapoh ka jingialam jong u ka Lajong ka la khur ia ka nam lahduh lai sien kynthih ha ka Shillong Premier League kata naduh u 2014 haduh u 2016 bad u la sei ia ki rangialehkai ba kynsai na ka klob ha ki snem ba la dep.
U Thangboi u la shimti ruh kum u assistant manager ka Kerala Blasters hapoh ka jingpyniaid u David James, Nelo Vingada bad u Rene Muelensteen. Ha ka aiom ialehkai 2019- 20 jong ka ISL, u la leit iasoh sha ka Odisha FC bad u la shimti kum u assistant coach na ka bynta u Josep Gombau.
Kumjuh u Santosh Kashyap u coah barim ka Royal Wahingdoh FC bad Rangdajied United FC ki klob I-League na ka jylla, ula ioh pdiang ia ka kyrdan AFC Pro license ha u snem 2014.
U la sdang ia ka kam coach na ka kynhun ialehkai U- 19 jong ka Mahindra United. Ula shimti kum u coach ka Air India ha ka sien nyngkong eh ha ka aiom I-League 2010- 11.
U Kashyap u la shimti ruh kumu coach ka Mohun Bagan, ONGC, Salgaocar, Mumbai FC bad ka Aizawl FC. U la shimti ruh kum u nongiarap ia u Cesar Farias ha ka Northeast United FC ha u snem 2015.
Wat la ki la don ki coach kiba la ioh ban shimti shipor ban pyniaid ia ki katto katne ki klob hynrei kin hap ban pyndep bad don pat na ki kiba la pass ia ka AFC Pro license kine ki long- 1.
U Derrick Pereira u la pyndep ia ka AFC Pro license bad u la shimti ia ka kam technical director ka FC Goa na ka bynta ki lai tylli ki jingialehkai ba khatduh ha ka aiom I-league 2019- 20 hadien ka jingshah weng u Sergio Lobera coach na Spain.
U la shimti kum u nongiarap jong u Lobera shwa ban shimti kum u technical director kynhun ki khynnah samla. U long ruh kum manager jong ka kynhun ialehkai U- 23 jong ka ri India ha ki ki ar tylli ki jingiakhun. U la shimti ban pyniaid ia ka Mahindra United, Churchill Brothers bad kiwei ki klob.
U Khalid Jamil u coach jong ka Aizawl FC ba la ioh rah nam lahduh ha ka aiom I-League 2016- 17, u la ioh ia ka kyrdan AFC Pro License ha u snem 2014.
U la long ruh u coach ka Mumbai FC ha ka I- League haduh phra snem shwa ban iasoh bad ka Aizawl, hadien u la shimti kum u coach ka East Bengal bad ka Mohun Bagan.
U Jamil u long kum u nongiarap ia u Robert Jarni ha ka Northeast United bad shimti kum u manager ha jaka Jarni u coach na Croatia.
U V. Soundararajan u rangialehkai barim ka ri u la ioh ia ka kyrdan AFC Pro license. U la sdang kum u coach ha ka kynhun ialehkai U- 19 ka ri ha u snem 2006.
Ha u snem 2017, u la shimti kum u coach Chennai City FC. hadien shi snem u Akbar Nawaz ula shimti ha jaka jongu ban ialam ia ka kynhun ban rah ia ka nam lahduh ha ka I- League.
U Henry Stanly Rozario u dei u coach ba mynta ka Aizawl uba la ioh ia ka kyrdan AFC Pro license.
U lah ban kyntiew shakhmat ia ka Salgaocar ha ka aiom ialehkai I- League 2009. Hadien u la shimti ia ka Mohun Bagan ban rung sha ka final ka Federation Cup 2010- 11 bad ka Calcutta League.
U Mariano Dias ba 60 snem ka rta u dei u nongiarap ia u coach ka kynhun ialehkai ka ri, u la pyndep ia ka AFC Pro licence ha u snem 2014. Hapoh ka jingialam jong u ka Churchill Brothers ka la ioh rah ia ka nam lahduh ha ka I-League 2012-12.
U Syed Sabir Pasha u dei na Tamil Nadu u la shimti kum u assistant manager ka Chennaiyin FC ha ka ISL 2017- 18, ula ioh ia ka kyrdan AFC Pro license.
U Naushad Moosa u dei u nongiarap ia u manager ka Bengaluru FC ha kaba u la ioh ia ka kyrdan AFC Pro license. U la shimti kum u coach ia ka kynhun ialehkai ki khynnah samla ka Mumbai FC na ka bynta san snem ha u 2008 bad 2013, shwa ban leit iasoh bad ka Air India kum u manager bad Pune FC kum u youth coach.
U Moosa u la iasoh noh bad ka Bengaluru ha u snem 2017 ban shimti kum u coach ia ka kynhun team ‘B’ ha kaba ka kynhun ka la rah ia ka nam lahduh ha ka Bangalore Super Division ha u 2018- 2020.
U Savio Medeira u dei u coach ka kynhun ialehkai ka ri ha u snem 2011- 12 bad u la ioh ia ka kyrdan AFC Pro license. U long u assistant coach na bynta lai snem hapoh ka jingialam u Wim Koevermans. Ha u snem 2015 ula shimti ban pyniaid ia ka kynhun ialehkai U- 23.
U la sdang ia ka kam ha u snem 2000 kum u nongiarap jong u manager ka Salgaocar. Hadien u la shimti ban pyniaid ia kane ka na Goa bad ula don haduh hynniew snem bad ban ioh rah ia ka Durand Cup 2003.
Phi don ban ong eiei?