Sam khaw ka Dorbar Shnong Umlaper, na u khaw ba ai U MDC

Shillong: Ka Dorbar Shnong Umlaper Ri Bhoi District mynta ka step ka la sam ia khaw sha ki 22 tylli ki longîng ba duk eh hapoh ka shnong hadien ba la ioh pdiang ia u khaw ba ai da U MDC ka Mawhati Bah Charles Marngar.

U Rangbah Shnong Bah Oversel Khymdeit, u la pyntip ba hadien ka jingiohpdiang ia u khaw kumba 220 kg eiei na U MDC, ka Executive Committee jong ka shnong kala shong Committee ban jied ia ki 22 tylli ki longîng kiba duk eh ki bym don lad shuh da kumwei hadien ba la don ka pakhang shnong na ka Covid 19.

Ha kajuh ka por u la pynpaw ka jingsngew nguh kaba khraw ia U MDC uba la iarap kat ka bor ka jinglah jongu sha baroh ki paitbah ka Mawhati Constituency. Shuh shuh u la pynpaw ruh ka jingkyrmen ban ioh sa na U MLA bad ban sam hok sha ki longîng kiba dei hok ban ioh.