Shah pynjulor ka Seinraij LP School Saphai

Shillong: Ka School Managing Committe jong ka Seinraij L.P School Saphai ka pynpaw ia ka jingsngewsih kaba khraw ia ka jinglynshop ka mariang ia ka L.P school, ha ka Shnong Saphai ha ka 7tarik Iaiong 2020 kumba 1.30PM eiei mynsngi ka eriong kaba jur ka pynjulor iakane ka skul, ka rah lut iaki tinsap ing, ki blackboard bad kiwei kiwei ki tiar ba don ha kane ka school.

Na ka liang jongki nonghikai kane ka school ki pynpaw iaka jingsngewsih namar lada ka Sorkar kan plie ia ki school, ha ka 30tarik Iaiong, 2020 kumba la pynbna haki kot khubor naka liang jongki nonghikai ki ong ba kim lah ban pynlong skul ha katei ka tarik ba lah pynbna da ka sorkar jylla, namar ba kane ka school ka lah julor palat.