Naka liang jong ka West Jaintia National Council (WJNC) ngi sngewphylla ban iohi ia ka jingmih jong ka khubor ba khlem sam khaw ka seng ha Iooksi bad Khonshnong,West Jaintia Hills District.
Ha ka jing shisha ka seng ha i bor ba rit ka la sam khaw sha katto katne ki longing jong ka shnong Iooksi, kiba shong basah haka dong Umdiling, Shiliang Masar bad KyanMasar, hynrei ngi sngewphylla ban iohi iaka jingmih jong ka khubor na u Rangbah Shnong.
Ngi panmap naki nongshong shnong jong ka Iooksi, namarba ka seng kam kot bor ban iarap sha baroh ki Longing longsem jong ka Shnong hynrei ka WJNC lyngba i bor i barit jong ka seng,ryngkat ka jingiatreilang bad WJNC – Iooksi Circle, ka la pyrshang ban iarap shaki katto katne.
Ha kaba iadei bad ka Khonshnong haka jingshisha hi kadei ka jing bakla kyrteng shnong , ha kaba ka seng kala ai jingiarap ha Shnong Thymmae , hynrei ngi kum bakla ban thoh kyrteng shnong, tangba kaba sngewlyngngoh ka long ba mynnin ka sngi 10/04/2020 por ba ki Nongialam jong ka WJNC ki thmu ban leit ai jingiarap ha Khonshnong, na ka liang u Rangbah Shnong u la kyntait ban pdiang iaka jingthmu jong ka seng ban iarap iaki Paitbah jong katei ka Shnong.
Watla kiwei ki dang kynnoh hynrei na ka liang jong ka WJNC ka dang iai bteng ban iarap ia ki paradoh parasnam ki ba la shah ktah shisha ha kane ka Janta Lockdown, ha kaba mynnin ka sngi 10/04/2020 ka WJNC – Iooksi Circle, hapoh ka jingialam jong u President, Bah Nidaiohi Dhar, ka seng ka la sam da u khaw 3kilo shi ing, sha ki 30 tylli ki longing jong ki 2tylli ki shnong kiba kynthup iaka Iawthymmae bad Umsalait,WJHD.
Khublei Shibun.
Sd/- Kitborlang Dkhar
President WJNC.
Phi don ban ong eiei?