Sa uwei uba iohpang Covid 19, na Hailakandi jong ka Assam

Sa uwei u briew, ula ioh pang COVID19 bad mynta kiba la ioh ia katei ka jingpang, ki la poi sha ka 28ngut. Utei u dei u briew, uba na Hailakandi District jong ka Barak Valley.

U Himanta Biswa Sarma, myntri ka koit ka khiah ka sorkar Assa, ula pyn thikna ba utei u dei u briew, uba ju leit bha sha Saudi Araia bad la ong shuh, ba utei uba pang, u don jingiadei ruh bad ka jinglehniam Tablighi Jamaat ha Delhi.

Kawei pat ka khubor, ka iathuh ba kawei ka nos, kaba trei ha North Bengal Medical College and Hospital, Siliguri, ka la ioh ia ka jingpang COVID-19.

Katei ka nos, ka dei kaba ai jingsumar ia kawei ka nongpang, kaba na Kalimpong, kaba la khlad ha ka Lah Sngi U Blei ba ladep, ong ka khubor.