Shillong: Ka Executive Committee jong ka Raid Kongthong kaba la shong pyrkhat kyrkieh ha ka 6/4/2020 ka la rai ban khang noh shwa shipor ia ki briew kiba na bar shnong ban rung laitluid hapoh shnong Kongthong naduh ka 8 tarik Iaiong 2020 tad haduh ban da pyntip da kumwei pat.
Kane ka long halor ka nongrim ban iada bad khanglad iaka jingma jong ka khlam covid 19 kaba la saphriang haki ba bun ki jylla jong ka ri India kIba kynthup ruh iaka jylla Assam kaba don marjan eh bad ka jylla Meghalaya.
Kumta kino kino kiba donkam ban wan hapoh shnong, kin hap ban pyntip bad pan jingbit shwa inki bor pyniaid shnong kata ia u Bah Sylloklang Majaw Sordar Raid Kongthong (Mobile no-9366429882) bad Bah Stogent Lynrah (Mobile no 8787585646) khnang ba kan long ka jingshngain iaki paid nongshong shnong hi baroh, ong ka kyrwoh ba la phah da u Bah Stogent Lynrah, Secretary Raid Kongthong, Sohra Syiemship.
Phi don ban ong eiei?