Shillong: U Myntri ba dei peit ia ka tnad ka koit ka khiah u Bah Alexander L Hek, haba ia kren bad ki lad pathai khubor ha ka ba ia dei bad ka jingioh phet u ba pang na civil Hospital u la ong ban kham peitngor shuh shuh ia ki nong pang kiba wan ban thiah ha ka ne ka Hospital yn pynbiang noh da ki Public Address System bad ki CC TV yn hapoh Civil Hospital.
Kane ka jingshim ia kane ka rai ka long ha dien ba uwei na ki nongpang u ba shah sumar hapoh Civil Hospital, u la ioh ban phet na civil hospital ha ka 3 tarik mynta u bnai hynrei ha dien shi sngi kata ha ka 4 tarik mynta u bnai ki pulit ki la ioh biang ban kem ia u na Bimola Point.
U bah Hek, u la iathuh ba jingbuh ia ki CCTV ka long ban peitngor bha ia ka iaid ka ieng jong ki nongphah wan sumar ha katei ka Hospital bad ka jingbuh ia ka PA System ka long ba lada ki phet kin ioh ban pynbna khubor kloi lyngba ka PA System, ha kaba yn shu pyrta khnang ba kin ioh ban kem kloi ia u.
Phi don ban ong eiei?