Nongpoh: Sa kawei pat ka jingjia kaba sngewsih ha ki thain Byrnihat, kaba la jia mynta ka step ha Byrnihat, ha kaba kawei ka heprit kaba dang 14 snem ka rta, ka la pynkut noh ia la ka jong ka jingim ha u tyllai phasi.
Ka jingtip kaba la ioh ban lum da u nongthohkhubor, la ong ba katei ka jingjia, ka la jia mynta ka step hapoh ka shnong Nongthymmai Byrnihat, ba katei ka Heprit kaba dang 14 snem ka rta ka la pynkut noh ia la ka jong ka jingim da kaba phasi ialade.
La ioh jingtip ruh, ba ki para marjan ki la iohsngew ia ka jinghylla jong kiba haiing jong katei ka Heprit bad kiba la iarap ruh ia ka ban lait na ka jingiap, hynrei kim shem la lah shuh ban iarap, namar ba ki la lap la kham dierpor.
Watla katta, tang mar iohi ia katei ka jingjia, ki briew kiba don ha katei ka jaka ki la iarap ha ka ban pynkit noh mar mar ia ka sha ka Byrnihat PHC, kaba don marjan bad katei ka jaka kaba la sah katei ka heprit, hynrei kim lah ban iarap lane leh ei ei, namar katei ka heprit ka la khlad noh.
Phi don ban ong eiei?