AIS Suja
Hadien ka jingiap, kan don ka jingmihpat kiba iap, ong ka ktien jong u Blei. Bad kiban ioh bynta hakata ka jingmihpat ba nyngkong kin long kito kib alah dep saitkhuid ia ki jainkup ba tngit haka snam u khun langbrot u Blei.
Ka ktien u Blei ka krenshai kdar kumne -”uba suk bad uba khuid long uta uba don ka bynta hakata ka jingmihpat kaba nyngkong ; halor kine ka jingiap kaba ar, kamdon bor shuh; hynrei kin long ki lyngdoh jong u Blei bad jong u khrist bad kin shynshar lem bad u 1000 snem, Jingpynpaw 20:6.
Ka ktien u Blei ka kren shai kdar ba kito kiban ioh bynta ha ka jingmihpat ba nyngkong dei tang u ba khuid. Kumno khuid? Uba khuid dei uba la khapat (Born again). “Lymda khapat ia u briew, umlah ban iohi iaka hima u Blei, Ioanis 3:3. Kumno kata ka rukom ban khapat? Kadei kaba phla noh ia ki pop kein bad ioh pynbaptis. U Petros u ong – “To phin kyllabamut ba yn pynbaptis ia phi (Repent and be baptized) Uwei pa uwei ha ka kyrteng u Jisu khrist IA KA BAN IOH MAP IA KI POP”. Ki Kam ki Apostol 2:38.
Haba u briew u laphla noh ia ki pop kat kum ka ktien u Blei bad la pynbaptis ia u, u la long u jingthaw ba thymmai bad kiei kiei kiba rim, ki la duh noh ong ka ktien u Blei. U briewu donkam ban pynkhuid ialade iala ka mynsiem. Dei nakata ka daw ka ong ka ktien u Blei “to pynim ialade na kane ka pateng bynriew bakynriang”. Ki Kam Apostol 2:40.
Ymdon dakawei pat ka lynti banwad ia kahok ha ka jingim briew ban ioh bynta haka ta ka jingmihpat ba nyngkong, hynrei, “tang uba ngeit ban ioh pynbaptis yn pynim”.Loukas 16:16. Uta u bangeit un ngeit ha la ktien u Bleiba u dei phla pop (repent), namar u briew umlah ban poi bneng khlem phla pop ryngkat ki pop u kit kyndung. U dei ban pynkhuid shwa ialade. Dei nakata ka daw ong ka ktien u Blei- “U ba khuid bad uba suk”. Namar kawei kapop kaba rit ne khraw kamlah rung ha bneng( Paradise).
Kiba khlem phla pop, ki long kita kibaka ktien u Blei ka ong- “Shabar ki long ki ksew bad kita kiba ai ksuid, kiba kyreit, kiba pyniap, kiba mane – blei thaw bad baroh kiba ieit kiba thaw ia ka lamler”. Jingpynpaw 22:15. Kine kimdon bynta ha kata ka jingmihpat kaba nyngkong. Hynrei yn pynmihpat iaki hadien 1000 snem pat. Jingpynpaw 22:5.
Ngi im haki sngi khadduh tam ki sngi jingpyndep ia ka ktien u Blei. Ki jingeh, jingjynjar, jingpang khyllah kum ka corona virus bad kiwei ki wan shim iaki mynsiem briew ha kylleng pyrthei, ka jingim ka bymtikna , “ ym don u briew uba donbor halor ka mynsiem, ban bat iaka mynsiem” Eklesiastist 8:8.
Kumta, mynta hi ka dei ka por ia u wei pa ka wei ban kylla bamut ban phla (repent) banpynkhuid ialade. Namar lada ngim long kiba khuid bahok ngim lah ban ioh bynta ha kata ka jingmihpat kaba nongkong , ngin hap ban thiah hapoh khyndew sa 1000snem bad hadien kata yn mih pat, bad kata ka jingmihpat kan long kaba khlem burom, sha ka jinglehrain bad jingjahburom bymjukut. Daniel 12: 2.
Hynrei lada ngi don bynta ha kata ka jingmih pat kaba nyngkong ngin ioh ka jingim ba bymjukut Daniel 12:2. Bad ngin long ki lyngdoh u Blei bad u khrist, ngin ia synshar lem bad u Jisu 1000 snem (shihajar) snem. Jingpynpaw 22: 6.
Kiba lapynkhuid ialade haka snam u Jisu Khrist mynta kin ioh bynta haka jingmihpat kaba nongkong, “kiba iap ha u khrist kin ia mih pat shwa, ia kiba dangim yn rongnoh haki lyoh. 1 Thessoloni 4: 15- 17.
Na kadaw ka jingim bym thikna, ka donkam iangi ban pynkhreh laka jingim ban ia suk bad u Blei da kaba pynkhuid ialade na ki pop baroh. Ong u Apostol Paul- “Lada ngi shong sah ne leit noh, ngin pynsngewbha ia u Blei.”Lada ngin shongsah, donkam ban ioh bynta haka jingrongnoh (rapture) bad lada ngi leit noh (iap), ngin ioh bynta hakata ka jingmihpat kaba nyngkong.
“U ba suk bad uba khuid long uta uba don bynta hakata ka jingmihpat kaba nyngkong” Jingpynpaw 22: 6. Amen.
Phi don ban ong eiei?