Ioh kem trok kit dewiong beain ka UHM-EJHD, na Mosianglamare EJHD

Shillong: Ka United Hynniew trep Movement -EJHD mynnin ka sngi ha ka por kumba 2:30 baje janmiet, ka la ioh ban kem ia ki artylli ki trok kit dewiong beain ka ba don ia u number u kali UP 38 T 4006 bad UP 21 AN 2556, kiba thmu leit pynhap dewiong ha kawei ka company Gold stone Cement Ltd kaba don ha Mosiang Lamare East jaintia Hills.

Haba tohkit na ki nong niah jong ki ne ki trok u Mukesh Singh bad u Ri Singh ki la iathuh ba ki la wan kit ia u ne u dewiong na Tinsukia,Assam bad thmu ban leit pynhap ha Gold Stone Cement Ltd ka ba don ha Mosianglamare.

Na ka liang ka UHM-EJHD ki la pynrem jur ia ki nong pahara ba wat la baroh ka wei ka Ri ki don hapoh ka jing pakhang shnong na ka jingtieng ioh saphriang u khniang jing pang Covid -19 hynrei kine ki artylli ki trok ki ioh ban rung da ka ba suk ha kane ka jylla. Na ka liang ka UHM-EJHD ki la leit ban ujor ejahar ha Lumshnong Police Station pyrshah ia kine ki Trok.