Sa uwei uba ioh pang coronavirus ha Assam, uba na Lakhimpur

Sa uwei u briew, ula ioh pang coronavirus mynta ka sngi ha Assam bad baroh kiba ioh pang, ki la poi sha ka 25ngut.

Utei uba ioh pang, u dei uba na North Lakhimpur district bad utei u dei uba leit sha ka jingleh niam jong ka Tablighi Jamaat ha New Delhi, ong u Himanta Biswa Sarma, myntri ka koit ka khiah ka Assam.

Utei uba ioh pang, u dei U Babul Ali lane uba la tip kum U Babur Ali, uba shong ba sah ha K.B. Road ha North Lakhimpur. U Babur, ula leit sha katei ka jing lehniam ha Nizamuddin Markaz ha Delhi, ha kaba sdang U Lber bad ula wan phai ha ka 20tarik Lber 2020.