Kumno ka sorkar kan pyrkhat ia ka pule puthi mynta u snem?

Babu Kular Khongjirem

Ka curfew sawdong ka Iewduh shwa ka exam matrik(sslc),ka exam sslc,sa ka lockdown na ka bynta ka khlam China(Covid-19) kan ktah jur bha ia ka pule puthi(education) ki khynnah pule ym tang ha Meghalaya hynrei ha satlak ka ri India baroh kawei.

Ki lynnong kot(chapter/lesson)ia ki khynnah dang shu sdang malu mala lap noh kine ki kynrum kynram.Ka spot evaluation ne ka jing leit pynbeit paper(correction of paper/paper examining)ka dang shu sdang ia ki sslc candidate 2020,la pynsahngeh noh mynta bad lano pat kan bteng ym pat lah satia ban tip.Ki internal mark ba 20 mark ban pynrung ha ki marksheet jong ki candidate SSLC ruh bun ki skul kim pat ioh submit satia sha MBOSE ba la pynjari(imposed) noh ka sorkar ia ka curfew shwa ka last date.Ka Result SSLC kaba ju pynbna ha ki 20th shaneng jong u bnai May man la u snem,mynta u snem kam tikna shuh.Lano ban sdang class biang ia ki skul bad ka admission ia kiba pass SSLC mynta u snem kam tikna shuh kumba ju long man u snem.

Ka rukom ai lynnong lyngba ka online system ruh kan shitom bha man la ki skul ba dei ka sien ba nyngkong bad ka bym pat ju pyntreikam satia ha skul naduh mynshwa.Nalorkata,bun ki khynnah ki don sha la ki shnong jongki bad katno ngut ki khun baduk ki lah ban leh ia kane.Nalorkata,ka network bad internet ruh kaba thut khah khah khlem da ia kren sha nongkyndong lei.Lada ka MBOSE kan phah pyndep lut ia ki lynnong kumba ju leh,kan shem jingeh bha ia ki khynnah kiba kham duna(lait noh tang khyndiat eh kiba stad)namar kin nang biej pynban lada her sted ia ki lynnong.Lada shu pynkiew class khlem ki assessement/evaluation ruh kam shongnia (unjustify) satia.Namarkata,ka Education Dept ne MBOSE ka dei ban pyrkhat kyrpang(special consideration) na ka bynta une u snem.Ka dei ban pynduna noh ia katto katne ki lynnong ki bym da donkam than bad set jingkylli noh sa tang katto katne ki lynnong ba la jied kyrpang.Ki subject grading kum ka CE,Physical education,Evs,etc ruh hap kham pyrkhat lem(consider) noh mynta u snem.Lada ym lah plie skul lei ha ka 15th April 2020 kumba la pynbna(notified) ka sorkar,,kata, ka Half yearly examination/2nd term/unit tests/semister.etc ym lah pynlong shuh namar bym ioh shim class.Lada ka dang iai bteng shuh shuh kane ka jinglong, ka sorkar ka dei ban pyrkhat khia ia kane bad ka dei ban ai da ka jingpynbna(notification) kaba shai halor ka education sha ki skul bad college baroh.

Ka jingleit pule Doctor/Engineer,etc shabar ruh kan ktah bha haba la slem ka result.Ha u snem 1987 ba don jingiakhih(agitation) baroh shi snem lynter(ha ka por ba long president KSU u (L) Bull Lyngdoh) ngi shu pynkiew class ia ki khynnah ha skul tang da ka test ha ki bnai November namar lada ngim leh kumta ruh ne pynsah class(detained) ia ki khynnah,ka rta ne ka snem jongki ka la nang heh.Hato,mynta ka sorkar kan rai biang kum ha utei u snem?Ngi dang ap ia ka jingpynbna ka sorkar halor kane.

Tangba, long katba long,kam dei tang ka education sector kaba shah ktah ha kum kine ki por bad jinglong lang ka pyrthei hynrei baroh ki sector ka economy ki shah ktah lang solonsar baroh kumjuh.