Jowai: Ki paidbah ka thain East Jaintia Hills ki la pyntreikam shisha ia ka Social Distancing ha kaba iadei bad ka jingpyrshang ban ialeh pyrshah ia u khniang jingpang Coronavirus.
Ha East Jaintia Hills da ka jingiatreilang bad ka bor District ki la pynlong ia ka iew ha ki madan phutbol bad ha ki jaka ba madan ha kaba ki pulit ka EJH ki la trei shitom ban pyntreikam janai ia ka Social Distancing.
Ka iew ha East Jaintia Hills ka la plie mynhynnin ka sngi ha Kongong na ka bynta ki paidbah ka thain Tuber, katba mynta ka sngi pat la plie ia ka iew ha Umkiang bad Lumshnong.
Katba ha West Jaintia Hills pat la plie tang ia ki katto katne ki dukan naduh ka por 9 baje haduh 12 baje man ka sngi ha kaba na ka liang ka bor District ka la kyntu ruh ia ki paidbah ban beit ryntih ia ka jingiajngai (Distance) kaba ym duna ia ka 1 m.
Phi don ban ong eiei?