La thep pisa ka sorkar sha 5000 ngut tam ki nongbylla sngi

Shillong: Ka sorkar Meghalaya myn hynnin ka sngi lyngba u principal secretary (labour) u bah D.P Wahlang ka la thep 1000 tyngka sha kumba 5000 ngut tam ki nong bylla sngi kiba la dep ai kyrteng sha ka sorkar lyngba ka tnat Labour jong ka jylla Meghalaya.

Kumban shu pyn kynmaw ka sorkar Meghalaya ka la kular ban siew 1000 tyngka man ka taiew sha ki nong bylla sngi kiba shna ing bad kiwei kiwei de kum shi bynta ban iarap ia ki ha ka por ba pakhang shnong lane ka ‘lock down’ ha baroh ka ri India.

U Principal Secretary ka tnat Labour u bah D.P Wahlang u la ong ba haduh mynta ka sorkar ka la dep thep pisa sha 5022 ngut ki nong bylla sngi ha ki bank akount jong ki. Na ka liang u bah D.P Wahlang u la ong ruh ba ki Inspectors ki dei ruh ban shim ia ki kaiphod na man la ki block ban pynshisha ia ka jing rung ka pisa sha ki bank akount jong ki nong bylla.