Pdiang ka ing dorbar ka KHADC ia ka mang tyngka kaba 81.21 klur na ka bynta 3 bnai

Shillong: Ha ka ing dorbar kyrpang ba la pynlong mynta ka sngi ban pdiang ia ka mang tyngka na ka liang u Chief Excutive Member ka Khasi Hills Autonomous District Council u bah Titosstarwell Chyne u la wan rah ia ka mang tyngka ka ba lai bnai ka ba long T 81,21,54,400/- hapoh jong ka KHADC ha ka ba khlem da don ka no kano ka jingiatai ha ka ing dorbar ki la pdiang ia ka.

Haba kren ha iing dorbar na ka liang u CEM u la ong ba wat ka don kane jingkhang ban ia lum briew hynrei na ka bynta ki nongtrei jong ka KHADC ki hap ban pynlong ia kane ka dorbar mang tyngka, khnang ban ioh ban siew ia ka tulop jong ki nongtrei bad kum juh ia ka jingdon kam ka Council baroh kawei.

Kane ka jingmang tyngka ka ba 81,21,54,400/- ka long na ka bynta ki 9 tylli ki tnad trei kam ka Council bad kan long tang na ka bynta kine ki lai bnai ka ban sdang naduh ka 1tarik u Iaiong haduh ka 30tarik u Jylliew 2020.