Khlad noh I Sister Julia N Majaw

I Sister Julia N Majaw I la khlad noh ha ka 28 tarik lber 2020 ha ka rta ba 91 snem ha Krishnanagar ka jylla West Bengal. I Sister Julia N Majaw I dei ruh I hynmen jong u minister ka pla pisa barim ka jylla Meghalaya u bah Martin N Majaw.

Ia I Sister Julia N Majaw la kha ha ka 23 tarik jymmang 1928 bad I la leit noh Krishnanagar jong ka jylla West Bengal na ka bynta ban ia snoh bad ka ‘congregation of the Sisters of Mary Immaculate’ ha ka 10 tarik rymphang 1950.

I Sister Julia N Majaw I la pyndep ia ka kyrdan Phd jong ka ‘educational psychology’ ha u snem 1982 na ka skulbah Jawaharlal Nehru University bad ha u 1986 I la ioh bat kum I ‘state coordinator’ hapoh Dadengiri Garo Hills hadien ka jing lah jong I ban pyntreikam ia ka ‘biogas scheme’ hapoh ka jylla Meghalaya.

Kiba ha ing jong I Sister Julia N Majaw’s kiba kynthup ia I kong Mrs Josephine Majaw, Robert Kharshiing, A. Kharshiing, J.F Kharshiing, F Kharshiing bad u bah M. Kharshiing kim lad ban ia don bynta ha ka jing pyndep burom ia I namar ka jing pang ‘Corona Virus’. Na ka liang ki bor district ka jylla West Bengal ki la kyntu ia ki sister ban ia shim bynta tang 7 ngut ha ka jing leit on tep ia I Sister Julia N Majaw.I Sister Julia N Majaw I la ioh ruh ia ka khusnam ‘Meghalaya State Mahatma Gandhi Award’