Kyntu ka MPUF ïa ka sorkar ban peit ïa ka jingeh ki nongbylla sngi

Jowai: Ka Meghalaya People’s United Front (MPUF) Khliehriat Circle East Jaiñtia Hills District ka kyntu ïa ka sorkar ban shim khia lem ïa kito ki nongbylla kiba pli ba shem jynjar khamtam ha kum kane ka por ba mynta namar wat la da ki plie ïa ki dukan marbam ruh hynrei khlem ka jingmih pat da ei kin thied la ong ka seng.

Na ka liang u President ka Khliehriat Circle u ma Kyrshan Blah ula kyntu jur ïa ka sorkar ba ka dei ban shim khiah lem kito kiba ym shem la don lad shuh ba wad tang ban thied ïa ki jingbam te na ka liang u President u buh ka jingkyntu ïa ki paidbah nongshong shnong jong ka jylla hi baroh kawei ba kim dei ban shong syier, bad kyrmen skhem beit ba sorkar ka nym ieh noh da lei lei ruh.

Shuh shuh u President u kyntu ïa ki paidbah ba kin ïa snoh kti ïa kane ka jingpakhang jong ka sorkar khnang ba kan long kaba jop ban ïaleh pyrshah ïa une u khñiang jingpang uba la wan lynshop ha baroh kawei ka pyrthei uba la tip kyrteng kum u COVID-19. Pynkut ka kyrwoh ba la pylliat da u President ma K. Blah.