Namar ka curfew pynpoi marbam, ki nongpyniaid shnong ka Lawjynriew ia ki nongshong shnong

Shillong: Ki nongpyniaid shnong jong ka shnong Lawjynriew,Nongthymmai ka ba kynthup ia ki 7 tylli ki dong, mynta ka sngi ka la pynpoi ia ki mar bam bad ia ki tiar don kam ba man ka sngi ha ki dong bad ki jaka sah jong ki briew kane ka shnong namar ka jing bym ioh ki briew ban thied ia ki mar bam na ka jing pynjari ia ka curfew .

Haba ia kren bad u Adviser ka dorbar shnong Lawjynriew u bah W kharkrang, u la iathuh ba kane ka long ruh kum shibynta ban iasnoh kti lang bad ka sorkar jylla ban tehlakam ia ka jing saphriang jong u khniang jingpang Covid-19 namar ka jing thmu ban pynpoi ia ki mar bam bad ki mar ba donkam ha ki briew ka ne ka shnong ka long ban khang ia ki briew na ka jing ialum ha ki dukan yn da ka sorkar ka la pynlait ia ka curfew.

U la iathuh ruh ia ki tiar bam bad ki tiar ba pyndon kam la shim hi na ki dukan na shnong, khnang ba ki trai jong ki dukan ruh kin ym duh nong bad mynta ki la ia kren ruh na ki dukan ba die ia ki jhur khnang ba ki lah ban pynpoi ruh ia ki jhur bad ia ka doh ha ki nong shong shnong. U la iathuh ruh ba na ka liang ki dorbar shnong Lawjynriew ki la phah ruh ia ka jingbthat ha ki rangbah dong ba kin lum ia ki kyrteng jong ki long ing ki ba duna ka jingioh khnang ba na ka liang ka shnong kin ai jingiarap ia ki da ka ba kin ai ia ki mar bam bad ki tiar pyndonkam ha ki ne ki long ing.