Sa 738ngut kiba iap, na ka Corona ha Spain, baroh sha ka 3,434ngut kiba iap

Ka jingiap briew, na ka jingpang coronavirus ha Spain, ka la poi mynta sha ka 3,434ngut baroh, da ka jingiap sa 738ngut ha ki 24 kynta ba ladep, ong ka khubor sorkar mynta ka sngi. Ha China, kiba iap, haduh mynta ki don 3,281ngut.

Ka jingkhang shnong ha Spain, ka la bteng la 11 sngi kynthih bad baroh kiba ioh ia katei ka jingpang, ki la don mynta 47,610ngut.

Ka thain Madrid, ka don ia 14,597 ngut kiba ioh pang bad sa 1,825ngut kiba iap lane 53 percent, haba khein ha katei ka Ri.

Ki hospital bapher, kim lah shuh ban pdiang ia ki nongpang kiba don ha kylleng katei ka Ri bad ki shipai, ki la plie sa kawei pat ka hospital thymmai, kaba lah ban sumar ia 1,500ngut ki briew.