Kem ki pulit CID, sa 4ngut kiba thombor ia U Bah Lurshai

Shillong: Ha kaba iadei bad ka jing shah thombor ia ki dkhot ka Khasi Student Union, ha Ichamati ha ka 28 tarik u Rymphang 2020, ha kaba uwei u dkhot ka seng u bah Lurshai Hynniewta u la khlad noh.

Halor kane ka jingjia na ka liang ki ophisar jong ka tnad Crime lnvestigation Department (CID) jong ka jylla Meghalaya ki la ioh ban kem sa 4 ngut ki briew ki ba don kti ha kane ka kam thombor bad pyniap.

Hadien ba ka tnad pulit CID ka la pynlong ia ka jingtohkit ki la ioh ban kem sa ia 4 ngut ki briew ki ba don kti ha ka ne ka kam. Kine ki ba la shah kem ki long u Birendro Debnath u ba ju sin kum u Babul 20 snem ka rta , u Sumon Dutta 20 snem ka rta u Babla Acharjee 29 snem ka rta bad u Ponil Das 38 snem ka rta.

Ha duh mynta ki tnad pulit ki la ioh ban kem ia ki 12 ngut ki briew ki ba don kti ha ka ne ka jingthombor bad shoh pyniap ia u bah Lurshai Hynniewta. Kka jingtohkit bad ka jingthwet ia kine ki briew ki ba don kti ka dang iaid shakhmat.