Shillong: Ka synjuk jong ka All Jaiñtia Muster Roll Workers Labour Union Jowai kala kyrpad na u myntri rangbah ka jylla ban ai ei da u khaw, dai, shini, mluh sha baroh ki nongtrei bylla kiba la pynrung kyrteng hapoh ka Meghalaya Building and Other Construction Workers’ Welfare Board (MB&OCWB) jong ka tnad Labour.
U president ka synjuk u K.L Pariat ula thoh sha u myntri rangbah ka jylla ba kan long ka jingkyrkhu, lada ka sorkar haka jaka ka pisa kan ai da ki mar bam rashon ia baroh ki nongbylla kiba la register ialade haka MB&OCWB ha kum kane ka por ba khang khyrdep iaka jylla ban iakhun pyrshah ïa u khniang COVID-19.
Ka synjuk kala ai jing ïaroh ruh ïaka sorkar jylla hadien ba ka la pynbna ban ai 1000 tyngka shi taiew ia ki nongtrei bylla ha kum kane ka por ba khang khyrdep ka jylla. Ka synjuk ka kyntu ruh ia ka sorkar ba dei ban ai rashon ei ia baroh kiba don ‘card’ rashon ban pynjem iaka jinglynga pisa jong baroh.
Ngin leh kumno pat ngi ki ba shu kamai local taxi, lada ngim ioh shuh ban kamai da ei ngin siew ia ka instalment kaba man u bnai