Nongpoh: Namar ka jingpur sted jong u khniang jingpang Corona virus (COVID-19) u la la pynsyier ia ki briew ha kylleng ki ri ka Pyrthei, kane ka la wan jia ia ki samla jong ka jylla bad kiba dei ki samla pule bad kiba trei shabar ka jylla, ki la wanphai noh sha la ki jong ki iing ki sem.
Halor ka jingwan iing ki samla pule lem bad kito kiba trei shabar ka jylla, ki la don da ki spah ngut na kiba kum kitei ki samla pule bad bylla shabar ka jylla, kiba la wanphai sha la ki jong ki iing ki sem, kiba don hapoh ka jylla Meghalaya.
La ioh jingtip ba tang mynta ka sngi ka 24 tarik u Lber, ki la don kumba 350 tam ngut ki samla pule, kiba la wanphai iing noh bad kitei ki samla ki dei kiba la wan na ki jylla kiba kynthup na ka jylla Mahrashtra lem bad kiwei ki jylla jong ka Ri india.
Shuh shuh, la ioh ia ka jingtip ba ia kitei ki samla kiba la wanphai na kitei ki jylla, ki dei kiba la dep ban peit khmieh bniah naduh ha ki steshon Rel bad Airport, kumjuh ruh ka la long ha ka jaka thew jingshit ha Byrnihat, hynrei ym pat la don kino kino ki samla kiba la kiew ha ka jingshit na ka jingthe kaba don ha Byrnihat.
Phi don ban ong eiei?