Trei shitom ki pulit ka Byrnihat, ban pyn thikna ba kiba wan ruh, kim lait na ka eksamin

Shillong: Kum shi bynta ban teh lakam ia ka jing saphriang ia u khniang jingpang Covid-19 ki pulit jong ka Byrnihat Police Outpost mynta ka sngi ruh ki la pynlong ia ka jingpeit bniah ia ki kali ki ba wan na ki thain Assam sha ka jylla ba ki dei ban iaid lyngba na ka jaka Screening ia ki nong leit nong wan.

Mynta ka sngi lah don ka jing khap niah ki kali ha shilynter ka surok bah ka ba ha Byrnihat ha ryng kat ka jing jur ka lyer bad ka jingther u slap u pulit ka tnad Traffic UBC u Patrick G Momin u ba la pyndep ia la ka kamram na ka bynta ka jing shong shngain ka jylla Meghalaya.
U Patrick G.Momin jong ka Byrnihat Police out post u ba la trei shitom ban jurip iaki kali ki ba wan na Assam bad ban pynshisha ba kim dei ban iaid laid naka jaka screening kaba don ha byrnihat.