Lah ban ioh ia ka dud ‘Megha Milk’ na baroh ki dukan marbam

Shillong: Ha kine ki sngi ba pakhang shnong da ka sorkar kum shi bynta ban khanglad ia ka jing saphriang ka jing pang ‘Corona Virus’, katkum ka kyrwoh na u Managing Director ka East Khasi Hills District Cooperative Milk Union la pynbna ba ka duh ‘Megha Milk’ lah ban ioh na baroh ki dukan marbam ki ba ka sorkar ka shah ban plie.

Kum shi bynta ban pynsuk ia ki paidbah hapoh ka nongbah Shillong, ki paidbah ki ba kwah thied ia ka dud ‘Megha Milk’ ki lah ban shu thied ‘online’ na ka ‘narifresh.com’ lane phone ha ki nomber 9436547203 bad u 9402380252 na ka bynta ban pynpoi suk sha ki ing ha ka por 8 baje mynstep haduh 12 baje noh phai sngi.

Na ka liang ka ophis treikam ka Managing Director ka East Khasi Hills District Cooperative Milk Union ka kyntu ia ki paidbah nongthied ban pyndonkam da ka rukom siew pisa ‘online’ lada thied ia ka dud ‘Megha Milk’.