Shah kem 6 ngut ba donkti pyniap ia u BM ka Rural Bank

Shillong, 29 Nailar:
Hynriew ki runar ki la shah kem ha ki pulit ka West Jaintia Hills halor ka jingkynnoh ba ki la donkti ban pyniap ia Branch Manager ka Meghalaya Rural Bank ha shnong Iooksi kaba dei ka iing wai jong u BM katei ka bank. Ki la pyniap ia u BM ka bank ha ka sngi Balang, la ong ki pulit.
U SP ka West Jain tia Hills Bah Herbert Lyngdoh u la ong ba uba shah kem u dei u Sakhiat Ymbon ba dei u nongia lam ban pyniap bad la kem ia u hadien ba la phla ki san ngut kiwei pat kiba shah kem kham mynshwa.
Kiba shah kem ki long u Teishwamiki Shylla, u Riki Rabon, u Singh Rabon, u Binison Lapasam bad u Willson Massar.
Ki pulit ki la ioh kurup ruh ia ka khukri bad ka kali ba kitei ki runar ki la pyndonkam ban pyniap ua u BM katei ka bank. Katkum ka jingiathuh u SP, ka jingthmu jongki ba la shim ia ka jingim jong u BM ka long ban lute pisa na bank hynreim kim shym la ioh ban lute. Lah ban kdew ba u BM katei ka bnak u Bah Syrpailut Khonglam u dei na shnong Laittyra kaba don hajan Sohra bad ki runar kim shym la rah eiei na iing wai jongu. U Bah Lyngdoh u la ong ba baroh kiba shah kem ki don ha ka jingtohkit jong ki pulit ban pynlong shuh shuh ia ka jingtohkit.