Don jingsuba corona, iap ka nongpang ha Sylhet

Kawei ka briew, ka la iap ha Sylhet Shahid Shamsuddin Ahmed District Hospital, ong ka khubor.

Katei ka dei kaba 61 snem ka rta bad kaba dang shu wan phai na London, ha ka 4tarik Lber 2020 bad ka la khlad mynta ka step, ha katei ka hospital.

Katei ka briew, ka don ka jingpang khieshoh, suh khriat, jyrhoh bad kam lah ban ring bad pynhiar mynsiem thikna. Ka la shah sumar naduh ka 20tarik mynta u bnai ha katei ka hospital.

Wat la ka don ka jingsuba jur, ba katei ka briew, ka don ia ka jingpang coronavirus, hynrei ki doktor, kim shym la nud ban pynthikna, namar ba kam don ka jing test ia katei ka nongpang.

Ki nong pyniaid jong ka tnat IEDCR, ki dei ban wan sha Sylhet mynta ka sngi, ban test ia katei ka nongpang, hynrei katei ka briew, ka la iap noh ha shwa ba kin poi.

Haduh mynta, ki don 2ngut kiba iap na ka jingpang corona ha Bangladesh bad 24 ngut kiba ioh ia katei ka jingpang.