Tynrah ka Bus ia u lum, mynsaw 24

Shillong, 29 Nailar:
Kawei ka Bus Night Super kaba don ia u nombar ML08 – 0609 kaba dap mam ki nong leit nongwan , bad kaba dang wan na Tura ban leit sha Shillong ka la tynrah ia uwei u lum uba don harud surok, namar ka jngbym lah u nong niah ban teh la kam ia ka kali ba u niah katei ka Bus ka la hap shariat, katei ka jingjia ka la jia ha Dollongre kaba hap hapoh Rongram Block, West Garo Hills. Ka 108 Emergency Service Ambulance kaba don ha Rari, Resubelpara, Tura bad Dadenggre ka la pynkit ia 24 ngut kiba la mynsaw sha Civil Hospital, Tura. Kiba la mynsaw ki kynthup ia ka Salnation D. Shira, 19 snem, ka Tian Momin ,20 snem, u Sonahar Ali Khan, u Napoleon Chiran, ka R. Sangma, u Vincent K. Marak u R. Syiemiong , u Sujit Baruah, u Dilbag Singh, u Khela Ch. Kooch, u Dapmian Dkhar, u J. Tariang, u Francis Lyngkhoi, u Salim Miah, u Manju Alam Shiekh, u Aditya Hajong, ka Roshni Hajong, u Takir Shiekh bad hynriew ngut kiwei pat. Katei ka jingjia ka la jia ha ka 28 tarik mynta u bnai ha ka por 10:11 baje mynmiet.