Lap ka US, ia ka tiar ban test ia u coronavirus, tang hapoh ka 45 minit

Ka US Food and Drug Administration, hynnin ka sngi, ka la pynbna, ba ka la shna ia ka tiar kaba lah ban lap ia ka jingdon ka jingpang coronavirus ha ka met u briew, tang hapoh ka 45 minit.

Katei ka dei ka tiar, kaba la lap da ka komepni Cephid, kaba na California bad katei ka tiar kan sdang treikam naduh ka taiew ban wan, ong ka khubor.

“Ka test, kaba ngi pyn trei kam mynta, ka lah ban ai jingtip ia baroh ki nong America, ba ki don ne em ia katei ka jingpang, hapoh ka shi kynta, na kaba ki ju ap da ki sngi ba kin tip bad katei ka kompeni, kan trei kam naduh ka 30tarik Lber bad kan long kaba myntoi shi katdei bad ka bym bam por satia” ong U Alex Azar, Secretary Health and Human Services.

Ka Cepheid, ka iathuh ba kitei ki tiar, ki don palat 23,000 tylli kiba la tip kum ki GeneXpert Systems bad kin trei kam ha kylleng ka pyrthei bad kin ai jingtip ia ka jingdon ka jingpang ha ka met u briew, tang hapoh 45 minit.