Kyrshan ka Seng Khasi Mawlai ïa ka jingbthah ka Seng Khasi Kmie

Shillong: Kat kum ka jing pynbna jong ka Sorkar jylla kaba la mih ha ka 16.3.2020, ha ka jing ïalang kaba kyrkieh kaba la long ha ka 19.3.2020, ka Seng Khasi Mawlai ka la rai ban ïa mynjur bad bud ryntih ïa ka jingbthah ka Seng Khasi Kmie ban pynsangeh shuwa shipor ïa baroh ki prokram jong ka Seng tad haduh ba ynda pynbna da kumwei pat.

Shuh shuh, ha kane ka jingïalang, ka Seng Khasi Mawlai ka buh ruh ka duwai ka phirat, ka kyrpad ka kyrpon ha u Blei Trai Kynrad ba ki Ryngkew ki Basa kin da ki ker ïa ka Ri hi baroh kawei na baroh ka saw ka sian, ka khlam ka ngoh bad ka tyllep ka tyrbun.