Babu Kular Khongjirem
Man la ka san(5) snem ban pynrung kyrteng ia ki nongthep vote ne thoh Electoral Roll ka sorkar ka ju pyndonkam(employed)beit da ki nonghikai skul bad man la ka shiphew(10) snem ruh ka sorkar ka ju mlien bha ban pyndonkam da ki nonghikai skul ban thoh census.Ym don kiba pyrkhat lem ba kaba ai jinghikai ia ki khynnah kalong kaba donkam bad ba kordor shibun eh.Hooid,don katto katne ki nonghikai kiba sngew bang bad kwah hi pynban ban leit thoh census ban ia kaba hikai hapoh class ha skul.Kata,kam lei lei ba ki ioh extra la ka bainong, hynrei don pat kiba kham sngewkhia ia ka duty kum ki nonghikai ban hikai ha classroom ia ki khynnah.Lada lah ban pyllait,ki kham jied hi ban don ha duty kum ki nonghikai ha skul ban ia kaba leit long nongthoh census.
Mynta ka snem lei lei, ka sorkar lyngba ka Municipality (ha sor) bad C$ RD Dept (ha nongkyndong) ka la pyni syndon da ka bor ban nion beit ia ki nonghikai ba ki dei ban kohnguh beit ban leit thoh census bad ban ieh noh ia ka classroom ha skul.Ka municipal ka pyni bor ia ki nonghikai namar ka tip bha ba kidei kiban shu kohnguh bad kin nym nud satia ban ialeh pyrshah.Ka maham ruh ban shim action lada kim kohnguh.
Wat hapdeng ka jingkyrpad ki principal jong ki skul ruh,kam sngap bad kam salia hana,ba la phah na central(Delhi) dei ban kohnguh ne leh beit. Imat,ym long ban pyneh ia ka sorkar u Modi bad u Amit Shah na Delhi. Ka jingpyni bor ka Shillong Municipal ia ki nonghikai kalong kum ka kam leh donbor(dictatorship)ha ka ri synshar paidbah(democracy).
Dang kumba shi snem tam ei ei,ka sorkar jylla ka la bthah ia ka municipal ban pyni bor ia ki Harijan ha Iew Mawlong, hynrei kim nud.Mynta ia ki nonghikai pat ka nion,katba ia ki Harijan ha Them Mawlong pat kim nud satia namar ba ki dei kiba eh. Ki paidbah pat ki kwah eh ba ka municipal kan pyni bor ia ki Harijan,hynrei ka wan pyni bor pynban ia ki nonghikai skul.Ia kaba phah ka sorkar Meghalaya kim leh, ia kaba phah pat ka sorkar India,ym bit satia ban nym kohnguh.Mynta lei ba la pass ka Assembly ba ka CAA ka dei ban iaid lait noh ia ki jaka municipal areas(non schedule areas),ka municipal ka la dei ban leh ia kata kumba leh ia ki nongjikai.Hato,ka nud sha ki European wards?Kane ka pyni ba ka municipal ka dei tang ka niangkohnguh jong ka central goverment.Hato,nangne shakhmat,ka municipal kan shu kohnguh beit katba kwah ka central goverment?
Ha ka jingshisha,kadon ka bor jong ka state goverment ruh.Kum ka nuksa,ka Education ha hap ha ka concurrent list.Ka central Education policy ruh ka don bad ka state Education policybruh ka don.Don ki skul kiba hap hapoh ka jingpyniaid ka central goverment bad don pat kiba hap bad shah pyniaid hapoh ka state goverment ruh. Ka Shillong municipality ka hap ha ka state goverment,ka la dei ban sngap bad burom ia ka state goverment.Kumno kan shu thung direct ia ka duty census ia ki nonghikai da kaba iaid lait ia ka Education Dept bad wat ia ka bor ki principal ruh?Kan sa poi ka por ba kum kine ki rukom leh donbor kin sa ia tyngkhuh pat bad ki bor kiba kham khlain bad kin sa peitmat artad kdar hadien.Kan sa poi ruh ka por ba,’Lada phi leh bein ia kiba tlot,phin liem ha kiba kham khlain’
Da ki hajar ki un-employed youths balei, ka Central Govt / Municipal kam phah leh census da ki bad ha ka jaka ban siew ia ki Nonghikai kiba la ioh tulop lypa ai noh sha kitei kiba pli ki samla bym pat ioh kam keiñ, khnang ba kin ioh ban kyrshan khyndiat khynsoit ia ki jingdonkam ba manla ka sngi jong ki.
Nalor kata ruh imat ka sorkar kam juh tip ka mut aiu kita ki living files bad ki dead files. Ban ia ka ba phah thoh census da ki Nonghikai la dei ban phah da kito kiba trei ha ki ophis sorkar bapher bapher keiñ kiba shu pyllut ei ia ka por jong ki tang ha ka jingialehkai Ludu, Chess, ha kine ki por lei lut por tang ban iapeit Facebook bad Whatsapp bad kumta ter ter, ki shu ap tang mynno ba dei ka por shiteng sngi ban dihsha ne bam ja bad hadien kata pat sa ap ia ka Siren ba kan pah ban ioh leit phai ïing noh.
Wow ka jinglehbeiñ ia ki Nonghikai bapli, kiba la tenshon kumno ban ai jinghikai kaba paka ia ki khynnah skul nalor ka jingiahap ba pyndep ia ki Cources bala buh da ka tnad pule puthi.
Kala dei ka por ba kiba don bor kin bishar bniah ia kane.
Ka don jingbakla type; sngewbha pule Courses ha ka jaka Cources. Sngewsih ia ka jingbakla.