Nga pynpaw ia ka jingsngewnguh ka bakhraw ia ka jinglong la kloi jong ka Sorkar MDA ban buh ia ka Checking Point ha Byrnihat kaba la sdang mynne ka sngi; ka da pynkmen shibun eh ia ngi bad la bun ki paralok kiba la ia phone halor kane haba ki la iohi ba ka Sorkar ka la leh ia kaba dei eh, namar wat ka Sorkar India ruh ka la pyrkhing ia ki non-essential travelers ban makia kai shane shatai kum ha kane ka por jong ka iap ka im.
Ka kam kaba shah ha khmat duh ia ka Sorkar Jylla ka dei halor ka jingwan rung ki briew, lada, la pyrkhing ha kane ka bynta, ngi la jop lypa ia u khniang Coronavirus namar u Blei hi U dang ibit ba ka Jylla shatei lammihngi ba dang bun ki briew kiba duwai bad sheptieng ia u Blei kan lait na kano ka jingjia kaba shyrkhei. Sa shisien nga kyrpad ia ka Sorkar Jylla ban thaw kyndon kaba pyrkhing ia ki kali kiba iaid lyngba ka Jylla. Ka la dei sa ka bynta jong ki Shnong baroh ban phikir ha la ki jong ki shnong, khamtam ia kito ki Shong kiba don ki Hotel, ki Guest House, ki Home Stay bad kiwei kiwei ba kin khang dam shwa shipor, bad ban buh kyndon ia ka rung ka mih ki nongwei.
Ngin duwai jur ba u Blei Un ai ka jingstad ki nongsynshar jong ngi ba kin tip bad nud ban leh ia kaei kaei baroh kaba donkam ban iada ia u paidbah na kane ka jingiapthem. Kumta, ia ka jingialang kaba la pynbna ba kan long ha ka 23 tarik March, 2020 por 11.00 baje mynstep ha State Central Library, Shillong la pyndam noh. Halor kane ka phang ngin ia trei lang bad ki briew Sorkar khlem da tyngkai ei ei ruh em. Ki jingmut ngin iai ai ia kiba ka Sorkar kam poi pyrkhat ban pyndep. Ym don ba lah ban len ba ka jingduwai jong ki bangeit bad ba hok, ka lah shibun.
Bah H.S.Shylla
Khublei shibun Bah Monark Shabong ia ka jinglong la kloi jong phi ban pynmih kloi lan ia kum kine ki khubor kiba kyrkieh na ka bynta ka bha ka miat u paidbah. Ka la seisoh ka jingtrei jong phi. Khublei.