Shillong: Ka sorkar India, mynta ka sngi, ka la pynmih ia ki kyndon bapher, na ka bynta ban khanglad ia ka jing saphriang jong ka jingpang Corona bad kitei ki kynthup ba yn nym shah ban hiar liengsuin ba kit passenjar ha India naduh ka 22 tarik Lber, 2020 ka ban haduh shi taiew.
- Ka hukum, ka ong shuh shuh ba ki sorkar jylla kin pynmih ki jingbthah ba donkam khnang ba baroh ki nongshong shnong kiba la 65 snem shajrong (lait noh kiba donkam jingsumar) lait noh ki nongmihkhmat paidbah, ki nongtrei sorkar, ki nongtrei ka koit ka khiah la ai jingmut ba kin shong ha iing.
- Nangta la bthah shuh shuh ba baroh ki khynnah kiba hapoh 10 snem kidei ban shong beit ha iing bad kim dei ban mih shabar.
- Ki tnad Rel bad Liengsuin kin pynsangeh shipor ia ki jingleit kiba la pynduna dor lait noh ia ki khynnah pule, ki nongpang bad kiba don jingduna ha ki dkhot met.
- La kyrpad ia ki jylla ban pyntreikam ia ka jingtrei na iing na ka bynta kiba trei ia kiwei ki kam bym dei ki kam sorkar lait noh kito kiba trei ha ki kam ba iadei ba ka jingai jingshakri ba kyrkieh.
- Ban lait na ka jingbun briew yn bthah ia baroh ki nongtrei group B bad C jong ka sorkar pdeng ban wan ophis pud taiew bad ha ki por ba la buh ia baroh ki nongtrei.
Balei ka sorkar kam khang ia ki ophis ruh, hato kam don jingkit khlieh ia ki ba trei ophis?? Ne kim don ka hok ban iada ialade? Ngi iohi ba ha ki wei ki state ki la khang lut, ha ki ophis ruh ngi lap ba ki dei ki jaka ba bun briew. Ki iew ki hat ki jaka paidbah ruh hap ban pyrkhat. Ban synreit dawai lupa kum ka lad jing iada