“Hapoh 30 sngi khang, ia ki karkhana dewbilat” Byrngem ujor sha ka NGT

Shillong, 27 Nailar:
Ka Meghalaya Eco-Friendly Student’s Union (MEFSU) ka la ai por ia ka sorkar ba ka dei ban khang noh ia baroh ki 9 tylli ki karkhana dewbilat hapoh lai phew sngi kiba don ha Jaintia Hills namar ka jingpynkhein jongki ia ka ain Khlaw ne ka Forest Conservation Act, 1980 da kaba pynjulor ia ki khlaw ki btap ban tei ia ki karkhana dewbilat.
“Kine ki khyndai tylli ki karkhana dewbilat ki la pynkhein ia ka kyndon 2 jong ka Ain kaba kdew shai bay m shah ban pynjulor ia ki khlaw na ka bynta kano kano ka kam ban seng karkhana ne kiwei ki kam”, la ong u president ka MEFSU u Bah Rangdajied Marwein hadien ba la iakynduh ia u myntri ka tand khlaw ka jylla hynne ka sngi Balang u Bah Prestone Tynsong.
Katkum ka jingong u Bah Marwein, ka sorkar jylla kam don lad da kumwei pat hynrei ka dei ban shu khang beit ia baroh ki khyndai tylli ki karkhana shna dewbilat namar ba ki la pynkhein pyllein pyllein ia ka ain.
“Ngin hap ban leit sha ka National Green Tribunal (NGT) lada ka sorkar kam lah ban leh eiei ia ki jingdawa jong ngi”, la ong u Bah Marwein.
Ki khyndai tylli ki kompeni ha Jaintia Hills kiba pynkhein ia ka Ain Khlaw ki long ka Adhunik Cement Limited, Amrit Cement Industries Limited,Cement Manufacturing Company Limited, Cosmos Cement Limited, Green Valley Industries Limited, Goldstone Cement Limited, Hills Cement Compnay Limited, JUD Cements Limited bad ka Meghalaya Cement Limited.
U Bah Marwein u la ong ba ka Joint Inspection Team (JIT) ba la thaw da ka sorkar jylla ka la lap ia ka jingpyndonkam bakla haduh 1600 hectare ki jaka da kitei ki kompeni.
“Kane ka pyni shai ba kitei ki kompeni dewbilat ki la pynkhein ia ka mynsiem jong ka Ain, hynrei sngewsih ba khlem leh eiei da ka sorkar jylla haduh mynta”, la ong u Bah Marwein.
MEFSU president also recalled that the Central Empowered Commitee (CEC) constituted by the Supreme Court had also endorsed the setting up of the High Level Committee (HLC) in January 2011.
Ka High Level Committee (HLC) kham mynshwa ka la lap ba phra tylli ki kompeni dewbilat ki la pynkhein ia ka ain Forest Conservation Act, 1980 da kaba pynlong karkhana ha jaka khlaw.
Ka HLC ha ka kaiphod jongka sha ka sorkar jylla ha ka 25 tarik Naiwieng 2011 ka la ong ba katkum ka ain jong ka United Khasi-Jaintia Hills Autonomous District (Management and Control of Forests) Act, 1958, kine ki phra tyli ki kompeni ki la shna karkhana ha khlaw ba rben bha.