475ngut kiba iap ha ka shi sngi, ha Italy na ka Corona

Ka jingiap briew, na ka jingpang Corona ha Italy, ka la poi sha ka 475ngut ha ka Sngi Balang bad katei ka dei ka jingiap kaba bun tam ha ka shisngi ha kano kano ka Ri haduh mynta.

Kiba ioh ia katei ka jingpang, ki la poi mynta sha ka 2lak ngut ha kylleng ka pyrthei bad kiba iap ki la poi sha ka 8810 ngut.

Ha India, kiba ioh ia katei ka jingpang, ki la poi sha ka 170ngut bad ka Maharashtra, kaba don 39ngut kiba pang, ka dei ka Jylla, kaba bun tam kitei kiba pang Corona. La iathuh ba u don uwei u nongpang, uba ioh ia katei ka jingpang ha Chandigarh bad ki don 7ngut ki nong Indonesia, kiba sah ha ka Jylla Telengana, kiba ioh ia katei ka jingpang.