Corona:Shah kren bein ki samla ka thain shatei mihngi

Da ka jingkhie ka coronavirus, ki samla pule jong ka thain shatei lam mihngi, ki la shah kren bein jur ha kine ki sngi, ha ki trai shnong ha Punjab bad ka daw ka long ba ki briew jong kane ka thain, ki ia syriem dur bad ki briew kiba na China.

Ka khubor, kaba la pynmih da ka Inside NE , ka iathuh ba kitei ki samla kiba pule ha Chunni Kalan, ki la ring video ban pynpaw ia ka jingsngew sih jongki, ba ki trai shnong, ki la sin ia ki, da ka kyrteng “coronavirus”.

Kawei na ki samla pule, ka kren ha katei ka video, da kaba ong “Ngim don jingiadei eiei bad u coronavirus; u dei uba wan na China. Ka dur ka dar jongngi, ka iapher bad ma ngi ki trai shnong jong ka thain shatei mihngi, ngim don jingiadei bad ka China.”