Ka Sohryngkham ka lahduh ka U-14 Football Tournament ka SSA

Shillong: Ka Sohryngkham SC ka la ioh rah ia ka nam lahduh ha ka lympung ialehkai U-14 Football Tournament 2020 ba la pyniaid da ka Shillong Sports Association (SSA), hadien ba ka la pynliem ia ka Langsning FC da 1-0 ha ka jingiaknieh ha ka sngi Saitjain ha madan Polo.

Ka nam lahduh ka Sohryngkham ka la long lyngba ka kol ba la thep da u Mekyrshan Kharpran ha 88 minit ha ka jingiakhun pynjlan por hadien ba ki la iakhaid ha madan.

Baroh ar tylli ki kynhun ki la ioh ki kabu khamtam ka Sohryngkham ba kham stet ban rah bol hynrei ki lah ban thep kol bad ka jingialehkai ka la kut ha ka jingiakhaid khlem don mano mano ba ioh thep kol.

Haba ym don ba jop, ki bor pyniaid ki la pyniakhun da ka extra time bad ka Sohryngkham ka la ioh ban thep ia u nam tam da u Kharpran ha ka minit kaba 88 bad rah syndon ia ka nam lahduh jong ka samoi ba mynta.
Ka Sohryngkham ka la rah ia ka khusnam lahduh da ka song pisa ba T.20,000 ryngkat ka trophy katba ka Langsning ba wan ba-ar ka la rah T.10,000 ryngkat ka khusnam.