Shah tuh ka Bolero Pick Up na Wahiajer Narpuh

Jowai: Kawei ka kali Bolero Pick Up No. ML04B-7624 ka la shah tuh ha ki nongtuh kali bym lah ban tip katba dang pynieng ia ka ha shnong Wahiajer Narpuh East Jaintia Hills District.

U trai katei ka kali u Elias Dkhar u la ujor sha ki pulit ka Lumshnong hynnin ka step dang step mar syniohi ba ka kali jong u kam don shuh ha ka jaka ba la pynieng.

U Elias Dkhar u la iathuh ba udei uba na ka Shnong Amsarin, Amlarem bad u la wan sha Wahiajer bad u la pynieng ia katei ka kali hajan ka iing u para kur jong u u Michael Dkhar hynrei ha ka por kumba 4 duna eiei u la khie thiah ban lap ba ka kali kam don shuh.

Hapoh katei ka kali ki don ki kot ki sla kali, kiwei kiwei ki kot ba donkam kum ka EPIC, PAN Card, Driving License, Bank Passbook bad kumjuh kawei ka Phone remdor kaba don ia u No. 7630859159.